Loud Appearance For Your Brands

Reth nesh

Organizata e Epoka e Re punon me të rinjtë dhe për të rinjtë. Qendra punën e saj e ka fokusuar te të rinjtë nga mosha 14 deri në 29 vjeç. Qendra u hap në vitin 2005 për të adresuar nevojën që të rinjtë të vetë-organizohen dhe të bëhen pjesë aktive e komunitetit të tyre. Epoka e Re beson në fuqinë e të rinjve për të vepruar si agjentë për ndryshim në shoqëri.

Gjatë këtyre viteve Epoka e Re ka zbatuar një gamë të gjerë projektesh në lidhje me pjesëmarrjen e të rinjve, stilin e jetës së shëndetshme, edukimin shëndetësor, fushatat ndërgjegjësuese të komunitetit, aktivitetet sportive dhe kulturore, shfaqjet e talenteve, aktivitetet mjedisore etj, dhe çdo vit që nga viti 2007, qe ndra Epoka e Re organizon shkollën verore për adoleshentët me temën e të Drejtave të Njeriut, Lidershipit, Avokimit dhe Lobimit, Mënyrë Jetese dhe Mjedisi të Shëndetshëm, Demokraci dhe pjesëmarrje aktive.

Qendra operon në Republikën e Shqipërisë me seli në qytetin e Fierit ku nëpërmjet partneriteteve të vazhdueshme me disa bashki zhvillon aktivitete dhe projekte të ndryshme me fokus të rinjtë dhe komunitetin. Që prej vitit 2014 qendra kryen aktivitetet ditore në mjedise të mjaftueshme rreth 220 m2 të cilat janë ofruar falas nga Bashkia Fier.